Gia beinenqualinA han fatg schliatas experientschas cun lur sanadad el camp: Pauca sien, vestgadira buc adattada e pliras persunas en combra ein premissas idealas per vegnir malsauns. Perquei suandonts tips: setegn vid il ruaus da notg maglia endretg duront las tschaveras sevestgescha aschia che ti vegnas buca bletschs e peglies buca freid

Per saver serrar giu la valischa ei in pign mischlos d’avantatg. Zuar vein mai giu enguladetschs, denton ei prevenziun la megliera sligiaziun.

Inagada ord Svizra funcziunescha ei buc dapertut da cargar ils apparats electrics. Motiv: las besclas ein autras. Ella CE funcziuneschan las spinas da contact da dus pols era ellas besclas, cun treis pols drova ei in adapter (CH-EU). Las besclas ellas combras ein normalmein scartas. In spartider cun adapter ei d’avantatg.