Camp Cadi organisescha dapi 1992 camps per la giuventetgna dalla Cadi, dapi 2001 era egl exteriur. Il Camp Cadi ei sustenius dallas biaras pleivs dalla Cadi ed ei aschia cumpart dalla lavur da giuventetgna da quellas. Plinavon sustegn la vischnaunca da Mustér directamein il camp 2025.
Camp 2026 a Frankfurt am Main
Il camp 2026 ha liug denter ils 10 – 16 d’october 2026 a Frankfurt. Puncts ord il program (provisori): marcau cun Skyline, Eiserner Steg, Römerberg; Europäischen Zentralbank (EZB)/ Geldmuseum; Experiminta ScienceCenter; plazza aviatica Frankfurt; Klassikstadt Frankfurt; Industriepark Höchst; Rolls-Royce Turbinenfertigung; Gebr. Heinemann – Logistikzentrum Erlensee; Satellitenkontrollzentrum Darmstadt
Annunzias per il camp 2026 san ins far naven dad immediat cheu sin questa pagina. Adatg: Ils plazs ein limitai ed il formular sto vegnir emplenius verdeivlamein. En special fagein nus attents ch’il diever dil telefonin ei limitaus sin 30 min/di e ch’ils viadis che vegnan fatgs mintga di pretendan dabia cundiziun (ca. 10-15 km/di). Ei valan las reglas publicadas sin questa pagina!!
Finamiras dil camp
Il camp duei pussibilitar sentupadas denter giuvenils dalla Cadi. Aschia tolerein nus sulettamein in diever minimal da telefonins (sin viadi el ed anavos al/dil camp, per communciar culs dacasa, per filmar e fotografar, in cuort mument per di per las medias socialas). Giuvenils che san buca star senza lur telefonin ein tier nus el falliu liug e duein schar lu plaz ad auters che han interess per la veta sociala. El camp a Belgia han paucs buca capiu quei. Engraziel.
Plazs libers 2026
Plazs libers: Ils plazs ein da principi occupai. Persunas che giavischan da vegnir san s’annunziar tier info@campcadi.ch. Nus essan vid restructurar las annunzias e vein eventulamein aunc letgs libers.