Camp Cadi organisescha dapi 1992 camps per la giuventetgna dalla Cadi, dapi 2001 era egl exteriur. 2025 meina il camp puspei ella metropola da Paris. Il Camp Cadi ei sustenius dallas pleivs dalla Cadi ed ei aschia cumpart dalla lavur da giuventetgna da quellas.
Il diember maximal da participontAs pil camp a Paris ei gia survargaus. Persunas che s‘‘annunzian uss vegnan silla gliesta da spetga. Las annunzias vegnan controlladas ed annunziadas allas pleivs. Sin fundament dallas indicaziuns fatgas risguardein nus quellas tenor temps d’annunzia.
Cundiziuns d’annunzia: Per mintga menadra e mintga menader dat ei max. 6 participonts. Il camp cuosta niev 650.00 CHF. Dapi 2008 vein nus mai adattau ils prezis ed ils cuosts ein carschi ils davos onns massivamein. Menadras e menaders fan lur lavur voluntariamein, sulet ina tscheina ei la pagaglia.
Program previus: Tour, Eifel, Casti da Versailles, Louvre, Nôtre Dame, marcau da Paris, Stade de France, Disneyland Paris, Sacre-Coeur, divers quatiers da Paris, emprender da viagiar culla métro, giugs ed activitads communabels. Ils plazs ein limitai sin 18 participontas e 18 participonts.
Il camp duei pussibilitar sentupadas denter giuvenils dalla Cadi. Aschia tolerein nus sulettamein in diever minimal da telefonins (sin viadi el ed anavos al/dil camp, per communciar culs dacasa, per filmar e fotografar, in cuort mument per di per las medias socialas). Giuvenils che san buca star senza lur telefonin ein tier nus el falliu liug e duein schar lu plaz ad auters che han interess per la veta sociala. El camp a Belgia han paucs buca capiu quei. Engraziel.